Հինգշաբթի, 12 Օգոստոսի 2021 10:59

Արմինֆո. 2021թ. երկրորդ եռամսյակում շահույթի վնասը հաղթահարելու Հայաստանի ապահովագրական հատվածի փորձը հաջողությամբ է պսակվել, սակայն ստացված 94 մլն դրամ գումարը (189 հազար դոլար) բավարար չէր կիսամյակային վնասը զրոյացնելու համար:  ԱրմԻնֆո-ի պատրաստած Հայաստանի ապահովագրական ընկերությունների ֆինանսական վարկանիշի տվյալներով, ս. թ. առաջին կիսամյակում 6 ԱԸ-ների ընդհանուր վնասը կազմել է 130.6 մլն դրամ (ավելի քան 263.4 հազ.դոլար)' տարեկան 2 անգամ անկմամբ (դրական մակարդակից), եռամսյակային 2,5 անգամ աճով (դրական մակարդակի ելքով):

Կիսամյակային վնասը պայմանավորված է եղել փոխհատուցումների  40,7 տոկոս տարեկան բարձր աճով եւ ապահովագրավճարների 8,9 տոկոս համեստ աճով, ընդ որում, II եռամսյակի երկու ցուցանիշներն էլ անկման մեջ են հայտնվել՝  ապահովագրավճարները 39,3 տոկոսով, փոխհատուցումները 5,5 տոկոսով:

Տարեկան կտրվածքով (2021թ. 1-ին կիսամյակին՝ 2020թ. 1-ին կիսամյակի համեմատ) երեք ԱԸ-ներ շահույթից հասել են վնասի, իսկ մյուս երեքը խիստ կրճատել են շահույթը։ Իսկ եռամսյակային կտրվածքով (II եռամսյակում) միայն երկու ԱԸ-ներն են մնացել մինուսում, մեկը վնասից հասել է շահույթի, իսկ մյուս երեքը մի քանի անգամ ավելացրել են շահույթը, ինչի շնորհիվ հատվածի հանրագումարային ցուցանիշը հասել է դրական մակարդակի, որի մեծությունը I եռամսյակի մինուսից քիչ է եղել, ինչը թույլ չի տվել դրական ֆինանսական արդյունք ապահովել I կիսամյակում: Կիսամյակի տարեկան դինամիկանբացասական է եղել երկու ԱԸ-ների ապահովագրավճարների գծով են, իսկ հատուցումների գծով՝ մեկ ԱԸ-ի մոտ, ինչը թույլ է տվել պահպանել հատուցումների նկատմամբ հանրագումար ապահովագրավճարների  2 անգամ գերակայությունը: Իսկ եռամսյակային կտրվածքով բոլոր 6 ԱԸ-ների ապահովագրավճարների զգալի անկումը, չորս ԱԸ-ների հատուցումների չափավոր կրճատման դեպքում, զգալիորեն կրճատել է ապահովագրավճարների եւ հատուցումների միջեւ  2 անգամ տարբերությունը՝ մինչեւ 1,3 անգամ։

2021թ. առաջին կիսամյակում զուտ շահույթի մակարդակով առաջին տեղն զբաղեցրել է "Ինգո Արմենիա" ԱԸ-ը՝  247.9 մլն դրամ (տարեկան 74.4% անկումով և դրական մակարդակի եռամսյակային 2.7 անգամ աճով) ։ Երկրորդ տեղը զբաղեցրել է "Արմենիա ինշուրանս" ԱԸ-ը՝ 208.3 մլն դրամ (տարեկան անկումը՝ 76.7% , եռամսյակային աճը 3 անգամ): Երրորդ հորիզոնականում է "Նաիրի Ինշուրանս" ԱԸ՝ 100.2 մլն դրամ (տարեկան 88% անկում, եռամսյակային 3 անգամ աճ)։ Չորրորդ, հինգերորդ և վեցերորդ հորիզոնականները զբաղեցրել են "ՌԵՍՈ", "Սիլ Ինշուրանս" և "Ռոսգոսստրախ Արմենիա" ապահովագրական ընկերությունները, որոնց ընդհանուր վնասը կազմել է 686.9 մլն դրամ՝ գերազանցելով մյուս 3 ԱԸ-ների միագումար դրական 556.3 մլն դրամը:

Փոխհատուցումների էական աճը ապահովագրավճարների համեստ ավելացման դեպքում տարեկան անկումն արագացրել է  8,3 տոկոսից մինչեւ 19,3 տոկոս՝ մինչեւ 10,2 մլրդ դրամի մակարդակ: Վատթարացել է շահույթի դինամիկան ապահովագրության գծով նաև եռամսյակային կտրվածքով՝ 67,5% աճից  ծավալվելով մինչեւ 73,3% անկում, ընդ որում,  մեկ ԱԸ-ում հասնելով բացասական մակարդակի, ինչին զուգահեռ, մյուս 5 ԱԸ-ներում դիտվել է դրական մակարդակի զգալի նվազում։

2021թ.առաջին կիսամյակում ապահովագրության գծով շահույթի առաջատարը եղել է "ԻՆԳՈ Արմենիան"՝ 3.7 մլրդ դրամ (0.5% տարեկան և 47.6% եռամսյակային անկումով), երկրորդ տեղում "Ռոսգոսստրախ Արմենիան" է՝ 1.76 մլրդ դրամ (տարեկան  50.2% և 2,3 անգամ եռամսյակային անկումով), իսկ երրորդ տեղում "Նաիրի Ինշուրանսն" է՝ 1.75 մլրդ դրամ (տարեկան և եռամսյակային անկումով, հաամապատասխանաբար,  15.9% և 13,2%): Չորրորդ հորիզոնականում է "Արմենիա Ինշուրանսը" ՝ 1.15 մլրդ դրամ (տարեկան 7,9% աճով՝ եռամսյակային 39,9% անկման դեպքում): 5-րդ և 6-րդ հորիզոնականներն այս ցուցանիշով զբաղեցնում են "Սիլ Ինշուրանս" և "ՌԵՍՈ" ապահովագրական ընկերությունները, համապատասխանաբար, 1.09 մլրդ և 735.9 մլն դրամ, տարեկան 24.3-5 տոկոս և եռամսյակային 75-51 տոկոս անկումով:

Նշենք, որ Հայաստանի ապահովագրական շուկայում գործում է 6 ընկերություն, որոնք առկա ապահովագրական 20 դասից աշխատում են 17-ով, բացառությամբ՝ երկաթուղային տրանսպորտի ապահովագրության եւ դրա օգտագործումից բխող պատասխանատվության, դատական եւ արտադատական ծախսերի ապահովագրության: 2020թ. երկրորդ եռամսյակից ԱԸ-ների հաշվետվություններում ավելացվել է գյուղատնտեսական ռիսկերի ապահովագրության դաս, սակայն վերջնական ցուցանիշին այն չի գումարվում, քանի որ հաշվի է առնվում ապահովագրության երկու այլ տեսակներում ՝ հրդեհներից եւ տարերային աղետներից գույքի, այլ վնասներից գույքի ապահոովագրություն: Առավել թվով դասերով լիցենզավորված են "ԻՆԳՈ Արմենիան"՝ 16,  եւ "Ռոսգոսստրախ Արմենիան"՝ 15։ (Դոլարի նկատմամբ դրամի հաշվարկային փոխարժեքը 30.06.21-ի դրությամբ կազմել է 495.86 դրամ/$1):