Արմինֆո. Նոյեմբերի 24-ին Բրյուսելում Հայաստանի և ԵՄ միջև համապարփակ և խորը գործընկերության մասին համաձայնագրի ստորագրումը լավ օրինակ կլինի ԵԱՀԿ մյուս անդամների, ինչպես նաև Միության համար: Նման կարծիք է հայտնել ԱԺ ՀՀԿ խմբակցության պատգամավոր Արտաշես Գեղամյանը, Երևանում կայացած «Ինտեգրացիոն գործընթացների լուսաբանումը ԱՊՀ և ԵԱՏՄ տարածաշրջանում» մեդիաֆորումի շրջանակներում պատասխանելով ԱրմԻնֆո գործակալության թղթակցի հարցին:
Գեղամյանի խոսքով, շրջադարձային շրջանում Հայաստանի ղեկավարությունը ցուցաբերեց բացառիկ իմաստություն, ի տարբերություն Ուկրաինայի և Մոլդովայի, 2013 թ. ոեպտեմբերին հայտարարելով Եվրասիական տնտեսական միությանը միանալու մասին: Պատգամավորը գտնում է, որ եթե Հայաստանը ստորագրեր ԵՄ-ի հետ ասոցիացված անդամակցության մասին փաստաթուղթը, ապա այդ համաձայնագրի տնտեսական բաղադրիչը կհանգեցներ, նրա կարծիքով, «Հայաստանի տնտեսության բացարձակ անկման»: Իսկ այժմ, գտնում է պատգամավորը, այդ հարցն ինքնին զգալի փոփոխություններ է կրել և ԵՄ բարձր պաշտոնյաները համաձայն են այն բանի հետ, որ Եվրամիության հետ նոր գործընկերային համաձայնագիրը կազմվել է, հաշվի առնելով Հայաստանի պարտավորությունները ԵԱՏՄ-ում: «Սա հայկական դիվանագիտության և նախագահ Սերժ Սարգսյանի անվիճելի հաղթանակն էր: Չնայած լուրջ ճնշմանը, նախագահն ուժ գտավ հետևողականորեն առաջ տանել այս գաղափարը, զինաթափիչ հայտարարություն անելով այն մասին, որ Հայաստան-ԵՄ ասոցացված համաձայնագրին մոտ նոր համաձայնագրի օրինակով երկիրը կստանա ունիկալ հնարավորություններ, հայտնի առնելով բացասական կողմերը: Դրանք կապված են այն հանգամանքի հետ, որ լինելով մեկ տնտեսական կազմակերպության (ԵԱՏՄ - խմբ.) և անվտանգության համակարգի (ՀԱՊԿ - խմբ.) անդամ, Հայաստանը միաժամանակ կուժեղացնի իր գործընկերությունը ԵՄ հետ:
Ըստ Գեղամյանի, դրանով Հայաստանը հայտարարեց աշխարհին, որ ԵԱՏՄ առանձին վերցրած անդամը կարող է «ասոցացված հարաբերություններ» ունենալ ԵՄ հետ, առանց վնասելու իր պարտավորությունները, ինչը լավ օրինակ կարող է լինել Եվրասիական տնտեսական միության մյուս երկրների, այդ թվում`Ռուսաստանի, ինչպես նաև ԵԱՏՄ համար «Այս փաստը դեռ պետք է իմաստավորեն մեր ոչ բարեկամները, քանի որ Հայաստանը կատարեց իրական հեղափոխական քայլ: Որպես արդյունք, ԵԱՏՄ և ԵՄ անհամատեղելիության մասին բոլոր փաստարկները, որոնք ներկայացվում էին երրորդ երկրների կողմից, ըստ էության, դարձան հերյուրանք», - ասել է Արտաշես Գեղամյանը: Նրա կարծիքով, տրամաբանությունը ցույց է տալիս, որ երկու միությունների` ԵԱՏՄ և ԵՄ միջև տնտեսական համագործակցության նոր որակի զարգացման հնարավորությունը բավականին իրատեսական է: «Եվրոպան, կամ գոնե որոշ եվրոպական երկրներ, խորապես հասկանում են այդ համագործակցության անխուսափելիությունը», - ասել է պատգամավորը:
Հայաստանը հույս ունի, որ 2017 թվականի նոյեմբերի 24-ին Բրյուսելում կայանալիք Արևելյան գործընկերության գագաթնաժողովում կստորագրի նոր համապարփակ համաձայնագիրը ԵՄ հետ, որը, փաստորեն, կփոխարինի գործընկերության և համագործակցության մասին ընթացիկ համաձայնագիրը:
Նշենք, որ ԵՄ հետ ընդլայնված գործընկերության և համագործակցության մասին համաձայնագիր ԵԱՏՄ երկրներից ունի Ղազախստանը, որը ստորագրվել է 2015 թվականի դեկտեմբերի 21-ին: Համաձայնագիրը ժամանակավորապես և մասամբ կիրառվում է 2016-ի մայիսից, և եվրոպական փորձագետների կարծիքով, արդեն նպաստել է երկկողմ հարաբերությունների վրա, որակապես բարձրացնելով նոր մակարդակի, և դրա վավերացումը ԵՄ անդամ բոլոր պետությունների կողմից և լիարժեք ուժի մեջ մտնելը կշարունակի ընդլայնել և ամրապնդել փոխգործակցության շրջանակը: Միևնույն ժամանակ, Եվրոպական Միությունը շարունակում է մնալ Ղազախստանի ամենամեծ առևտրատնտեսական և ներդրումային գործընկերը և երկկողմ առևտրի ծավալը, երկու տարվա անկումից հետո, ցույց է տալիս դրական միտում, 2017 թվականի առաջին յոթ ամիսներին նախորդ տարվա նույն ժամանակահատվածի համեմատ արձանագրելով 27% աճ:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին