Հինգշաբթի, 14 Սեպտեմբերի 2017 14:51

Արմինֆո. ՎՏԲ-Հայաստան Բանկը և ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունը ներկայացրել են մի նոր ապահովագրական պրոդուկտ՝ «Մաքուր տուն» անշարժ գույքի ապահովագրությունը: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, «Մաքուր տուն» փաթեթի արժեքը կազմում է 13.500 ՀՀ դրամ, իսկ ընդհանուր ապահովագրական գումարը՝ 1.000.000 ՀՀ դրամ:

 

Աղբյուրի համաձայն, «Մաքուր տուն» ապահովագրական պրոդուկտով անժարժ գույքը կապահովագրվի հետևյալ ռիսկերից. ներքին հարդարանքի և/կամ ինժեներական սարքավորումների վնասումը հրդեհից, պայթյունից, կայծակից, տրանսպորտային միջոցների վրաերթից և/կամ կենդանիների հետ բախումից, ապահովագրության օբյեկտի վրա թռչող սարքերի, դրանց մասերի, բեռի և/կամ ծառերի վայր ընկնելուց, երրորդ անձանց (հարևանների) կյանքին, առողջությանը և/կամ գույքին պատճառված վնասը հրդեհի, պայթյունի, ջրի արտահոսքի և այլ ռիսկերից:

 

Բոլոր նրանց, ով ձերք կբերի «Մաքուր տուն» ապահովագրական պրոդուկտը. ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունը նվիրում է Fresh air ընկերության բնակարանի օդի մաքրման ծառայության սերտիֆիկատ: Օդի մաքրումը իրականացվում է «Չոր մառախուղ» տեխնոլոգիայի միջոցով, որն իրենից ներկայացնում է հոտեր չեզոքացնող չոր օդ:

 

«Մաքուր տուն» ապահովագրական պայմանագիրը կարելի է ձևակերպել ՎՏԲ-Հայաստան Բանկի երևանյան մասնաճյուղերում և մոտակա մարզերում: Պայմանագրի ձևակերպումը կատարվում է հաշված րոպեների ընթացքում: Ապահովագրական պրոդուկտի պայմանների վերաբերյալ ավելի մանրամասն տեղեկատվություն կարելի է ստանալ ՎՏԲ-Հայաստան Բանկի մասնաճյուղերում կամ զանգահարելով Բանկի Միասնական տեղեկատվական ծառայություն՝ 87-87 հեռախոսահամարով:

 

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը:  Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի 67 մասնաճյուղ՝ իր ներկայությունն ապահովելով ոչ միայն մայրաքաղաքում, այլև մարզերում:

 

Նշենք, որ ՌՈՍԳՈՍՍՏՐԱԽ ԱՐՄԵՆԻԱ ապահովագրական փակ բաժնետիրական ընկերությունը հիմնադրվել է 2008 թ. մայիսին, ունի վաճառքի 51 գրասենյակ (16-ը Երևանում), այդ թվում նաև 20 մասնաճյուղ: ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունն առաջինը Հայաստանում ստացավ ISO 9001:2008 ստանդարտին համապատասխանության սերտիֆիկատ աշխարհահռչակ Moody International կազմակերպությունից: ՌՈՍԳՈՍՍՏՐԱԽ ԱՐՄԵՆԻԱ ընկերությունը հանդիսանում է Հայաստանի ապահովագրական շուկայի առաջատարը: Շուկայում առկա ապահովագրական 19 դասերից «ՌՈՍԳՈՍՍՏՐԱԽ ԱՐՄԵՆԻԱ»-ն ունի 15 ապահովագրական դասերի լիցենզիա, միաժամանակ հանդիսանալով միակ ընկերությունը, որն աշխատում է վարկային ռիսկերի ապահովագրության հատվածում: