Արմինֆո. Հայաստանը և Վրաստանը պայմանավորվել են երկկողմ համագործակցությանը տալ տարածաշրջանային նոր բնույթ: Այս մասին Վրաստան կատարած այցի արդյունքում հայտարարել է ՀՀ վարչապետ Կարեն Կարապետյանը:
Նրա խոսքով, պայմանավորվածություններն ուղղված են միջազգային ասպարեզում հայերեն-վրացական համատեղ շուկայի ներկայացմանը, մասնավորապես, զբոսաշրջության ոլորտում: Երկու երկրներն Իրանի հետ համատեղ կստեղծեն նաև ազատ տնտեսական գոտի, սերտորեն կզարգացնեն համագործակցությունը նաև բարձր տեխնոլոգիաների ոլորտում: «Մենք մեր վրացի գործընկերներին առաջարկել ենք Հայաստանի միջոցով օգտվել Եվրասիական տնտեսական միության հարթակից», - ասել է վարչապետը: Անդրադառնալով Վերին Լարսին այլընտրանքային ճանապարհի բացման հնարավորությանը, Կարապետյանը հայտարարել է. «Հարցը քննարկվել է, վստահ եղեք, այն կլուծվի»:
Իր հերթին, ՀՀ մշակույթի նախարար Արմեն Ամիրյանը հաղորդել է, որ վրացի գործընկերների հետ պայմանավորվել են, որ Վրաստանի կառավարությունը 3,5 մլն.լարի կտրամադրի Պետրոս Ադամյանի անվան հայկական դրամատիկական թատրոնի վերանորոգման նպատակով:
RUB | 4.16 | -0.01 |
USD | 388.00 | 0.19 |
EUR | 416.21 | 0.59 |
GBP | 486.55 | 0.66 |
CAD | 283.50 | -0.55 |
JPY | 24.73 | -0.15 |
CNY | 53.58 | 0.02 |
CHF | 425.72 | 0.26 |