Չորեքշաբթի, 15 Փետրվարի 2017 17:33

Արմինֆո. Հայաստանի ապահովագրողները 2016 թվականին ապահովագրական տարբեր դասերով հատուցել են 14.2 մլրդ դրամ կամ 29.4 մլն դոլար (թվերը բերված են ապահովագրողների հաշվետվություններից, համաձայն ՀՀ ԿԲ չափանիշների): 2016 թ. ապահովագրական հատուցումներն աճել են 4.9%, 2015-ի 38.4% անկման փոխարեն: Աճի նույն տեմպերն են արձանագրվել 2016-ին նաև ապահովգրական պրեմիաների գծով` 5%, մինչև 32,9 մլրդ դրամ կամ 68 մլն.դոլար, 2015-ի 4.3% աճի փոխարեն:

Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, հատուցումների տարեկան աճ են ապահովել 5 ընկերություններ, ընդ որում, ամենամեծ աճն ապահովել են`«Սիլ Ինշուրանս» ընկերությունը - 14.5% և «Ռոսգոսստրախ-Արմենիա» ընկերությունը - 8.3%, իսկ տարեկան միակ անկումն արձանագրել է «ԻՆԳՈ Արմենիան» - 5.5%:

Ըստ ապահովագրության դասերի, հատուցումների տարեկան ամենաբարձր աճն արձանագրվել է`բեռների ապահովագրության հատվածքում - 2.7 անգամ, ցամաքային տրանսպորտի շահագործման պատասխանատվության ապահովագրության հատվածքում - 2.3 անգամ, գույքի ապահովագրության հաատվածում  - 86.4%, իսկ ֆինանսական վնասների ապահովագրության հատվածքում - 57,2%: Իսկ հատուցումների ամենամեծ անկումն արձանագրվել է գույքը ապահովագրության հատվածքում - 80,4% և ընդհանուր պատասխանատվության ապահովագրության հատվածքում - 44.8%: ԱՊՊԱ հատվածքում հատուցումների դինամիկան մեկ տարում 12.7% անկումից անցել է 3,5% աճի, իսկ ԿԱՍԿՈ հատըվածում` 18.1% անկումը փոխարինվել է 6,9% աճով: Առողջության ապահովագրության հատվածքում տարեկան դինամիկան 28.6% անկումից անցել է 5% աճի, իսկ դժբախտ պատահարներից ապահովագրությնահատվածքում` 21,1% աճից մինչև 31,8% անկում: Ապահովագրության հատուցումները բեռնափոխադրումների ապահովագրության գծով տարեկան դինամիկան 94.9% անկումից անցել է 2,7 անգամ աճի: Ընդհանուր առմամբ, հշվետու ժամանակահատվածում հատուցումներ չեն արձանագրվել վարկային ռիսկերի (լիցենզավորված է միայն Ռոսգոսստրախ-Արմենիան), ինչպես նաև ջրային տրանսպորտի և դրա շահագործումից բխող պատասխանատվության ապահովագրոթյունների գծով (լիցենզավորված է միայն ԻՆԳՈ Արմենիան):

Ապահովագրական հատուցումների ամենամեծ ծավալն արձանագրել է «ՌՈՍԳՈՍՍՏՐԱԽ Արմենիա» ընկերությունը - 4,9 մլրդ դրամ (առաջին տեղում է նաև պրեմիաների ծավալով): Երկրորդ տեղում է «ԻՆԳՈ Արմենիան» - 3,3 մլրդ դրամ: Եռյակը եզրափակում է «Նաիրի Ինշուրանսը» - 2.03 մլրդ դրամ: Այնուհետև հաջորդում են` «ՍԻԼ Ինշուրանսը» - 2.01 մլրդ դրամ, «ՌԵՍՈ» ընկերությունը - 1.3 մլրդ դրամ և «Արմենիա Ինշուրանսը» - 739,4 մլն դրամ:

Ամենամեծ հատուցումներն արձանագրվել են ԱՊՊԱ հատվածքում`61.9% կամ 8.8 մլրդ դրամ, նախորդ տարվա 62,8% փոխարեն: Առողջության ապահովագրության մասնաբաժինը կազմել է ատուցումների ընդհանուր ծավալի 24.02%-ը կամ 3,4 մլրդ դրամ, նախորդ տարի`23.98%: ԻԿԱՍԿՈ հատվածում ապահովագրական հատուցումների ծավալը կազմել է 1.1 մլրդ. դրամ կամ ընդհանուր հատուցումների 8.03%-ը, նախորդ տարի` 7,9%: Ֆինանսական վնասների ապահովագրության մասնաբաժինը կազմել է 2.95% կամ 419.3 մլն դրամ, 2015-ին `1.97%: Մնացած դասերով հատուցումները տատանվում են 5.5-142.6 մլն դրամի սահմաններում, նվազագույն ցուցանիշն արձանագրելով օդային տրանսպորտի ապահովագրությանհատվածքում (ընդհանուր հատուցումների 0,04%-ը, նախորդ տարի` 0%), իսկ առավելագույն ցուցանիշը`գույքի ապահովագրության հատվածքում (1.01%, նախորդ տարի`1.46%):

2016 թվականին Հայաստանի ապահովագրական ընկերություններն ընդհանուր առմամբ արձանագրել են մոտ 182 հազար ապահովագրական պատահար, որտեղ ավելի քան 132 հազար է կազմել առողջության ապահովագրության մասնաբաժինը: ԱՊՊԱ հատվածքում արձանագրվել է շուրջ 46 հազար ապահովագրական պատահար, ԿԱՍԿՈ հատվածքում` 2 հազար պատահար: Հայստանի ապահովագրական շուկայում գործում է պարտադիր ապահովագրության երկու տեսակ`ԱՊՊԱ-ն և բյուջետայինների պարտադիր բժշկական ապահովագրությունը:

Նշենք, որ Հայաստանի ապահովագրական շուկայում ներկայումս գործում են 6 ընկերություններ, որոնք ապահովագրական աշխատում են 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ, որին ըստ լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում), 11 դասերի ապահովագրությամբ են զբաղվում «Սիլ Ինշուրանս», «Արմենիա Ինշուրանս» և ՌԵՍՈ ընկերությունները, և 10 դասերով` «Նաիրի Ինշուրանս» ընկերությունը: (ՀՀ դրամի միջին հաշվարկային փոխարժեքը 30.09.2016 թ. կազմել է 474.46 դրամ/դոլար): (ՀՀ դրամի ընթացիկ փոխարժեքը 31.12.2016 թվականի դրությամբ կազմել է 483.94 դրամ/դոլար):