Արմինֆո. Հայաստանի Ավտոապահովագրողների Բյուրոն (ՀԱԲ) տեղեկացրել է, որ 2016 թվականի սեպտեմբերի 1-ից ԱՊՊԱ պայմանագրի ձևակերպման ժամանակ կվերանա վարորդների անունները նշելու անհրաժեշտոթյունը, որոնք տվյալ տրանսպորտային միջոցը վարում են սեփականտիրոջ թույլտվությամբ, այսինքն, այսուհետ ԱՊՊԱ պայմանագրերը կկնքվեն միայն ավտոմեքենաների սեփականատերերի հետ: Այս մասին օգոստոսի 24-ին կայացած մամուլի ասուլիսում հայտարարել է Բյուրոյի գործադիր տնօրեն Վահան Ավետիսյանը:
Նրա խոսքով, նորամուծությունները, որոնք ուժի մեջ կմտնեն սեպտեմբերի 1-ից, ԱՊՊԱ պայմանագրի ձևակերպման շրջանակներում ավտոսեփականատերերին կազատեն լրացուցիչ ապահովագրական վճարներից`տրանսպորտային միջոցն իր կողմից լիազորված անձանց տրամադրելիս: Ինչպես պարզաբանել է Վ.Ավետիսյանը, սեփականատիրոջ ավտոմեքենայից կարող է օգտվել ցանկացած անձ, առանց լիազորագրի, եթե ունի վարորդական իրավունք: «Սեփականատերերը պետք է շատ զգույշ լինեն տրանսպորտային միջոցն այլ անձանց տրամադրելու հարցում, քանի որ տեղի ունեցած վթարի դեպքում «բոնուս-մալուս» համակարգի շրջանակներում պատասխանատվությունն ընկնում է ավտոմեքենայի սեփականատիրոջ վրա»,-ընդգծել է նա:
Նա տեղեկացրել է նաև, որ «բոնուս-մալուս» համակարգի շրջանակներում սեպտեմբերի 1-ից կգործեն ԱՊՊԱ նոր սակագներ, որոնցով ոչ թե նախատեսվում է գնային քաղաքականության փոփոխություն, այլ ընդամենը` վերաբախշում: Այսպես, նրա խոսքով, ավտոմեքենաների սեփականատերերի 51%-ը կարող է իր տրանսպորտային միջոցը տրամադրել անսահամանափակ թվով վարորդների, առանց սակագնի փոփոխության, 17-18%-ի մոտ կիջնի ԱՊՊԱ պայմանագրի արժեքը, իսկ ավտոսեփականտերերի 30%-ի մոտ ԱՊՊԱ պայմանագրի արժեքը կբարձրանա 5%:
Ըստ Վ.Ավետիսյանի, ներկայումս Բյուրոն զբաղված է տեխնիկական խնդիրներով, ինչն ավտոսեփականատերերին շուտով թույլ կտա ԱՊՊԱ պայմանագրեը կնքել առցանց ռեժիմով:
Նշենք, որ Ավտոքաղաքացիական պատասխանատվության պարտադիր ապահովագրության (ԱՊՊԱ) ինստիտուտը Հայաստանում գործում է 2011 թվականի հունվարի 1-ից: Հայաստանի Ավտոապահովագրողների բյուրոն (իրավաբանական անձանց միավորում) հիմնադրվել ՀՀ Կենտրոնական բանկի որոշմամբ, 2010 թվականի հունիսի 28-ին, հանդիսանում է ինքնակարգավորվող կազմակերպություն (ԻԿԿ), որը վերահսկում է Բյուրոյի անդամ ԱՊՊԱ ոլորտի ապահովագրողների գործունեությունը, ինչպես նաև պաշտպանում վնաս պատճառվածների շահերը, միաժամանակ ապահովելով ԱՊՊԱ համակարգի կաունությունն ու զարգացումը: Ներկայումս Բյուրոյի անդամներ են հանդիսանում Հայասատնում գործող բոլոր 6 ապահովագրական ընկերությունները:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին